SUNNUDAGSKROSSGÁTAN
| Forsíða |
Höfundur fyrstu íslensku krossgátunnar
Krossgátan sem birtist 20. mars 1927 í Lesbók Morgunblaðsins virðist
vera elsta íslenska krossgátan. Þótt höfundur hennar sé óþekktur er ein mikilvæg
vísbending um hann í krossgátunni. Krossgátan inniheldur tvö dönsk orð sem bendir
til að höfundur hafi kynnst dönskum krossgátum líklega í Danmörku. Höfundur gæti
því hafa verið búsettur í Danmörku.
Fyrir þá sem vilja prófa að leysa krossgátuna:
Athugið að í öðrum reit í 21 lárétt er ekki gerður greinarmunur á breiðum og
grönnum sérhljóða.
Leiðbeiningarnar sem voru birtar með krossgátunni:
Þessa einkennilegu gátu eiga menn að leysa á þann hátt, að skrifa einn staf í
hvern hinna hvítu reita. Þessir stafir eiga að mynda orð, hvort sem lesið er þvert
yfir reitina eða niður. Svörtu reitirnir takmarka orðin, og þau orð sem hjer eiga
að vera, eiga menn að finna, með tilstyrk þeirra leiðbeininga sem hjer fylgja.